Legjenda e futbollit David Beckham po përballet me kritika nga aktivistët e të drejtave të njeriut për nënshkrimin e një marrëveshjeje prej 277 milionë dollarëshe me Katarin për të shërbyer si ambasador për Kupën e Botës 2022, raportoi The Mail të dielën.
Ish-kapiteni i Anglisë pritet të fitojë afërsisht 21 milionë dollarë në vit gjatë dekadës së ardhshme në këtë rol dhe do të promovojë turizmin dhe kulturën në vendin e Lindjes së Mesme, tha The Sun.
Beckham udhëtoi në kryeqytetin e Katarit Doha në fillim të këtij muaji për t’u takuar me personalitete dhe për të vizituar stadiumet përpara turneut të Kupës së Botës të vitit të ardhshëm, sipas The Sun.
Por sportisti po përballet me kritika se është bërë fytyra e një kombi të akuzuar për shkelje të të drejtave të njeriut.
Aktet homoseksuale midis burrave janë të paligjshme në Katar dhe mund të dënohen deri në pesë vjet. Një raport i Departamentit të Shtetit të SHBA-së mbi praktikat e të drejtave të njeriut në Katar zbuloi se ka kufizime të rëndësishme në shprehjen e lirë, raporte për punë të detyruar dhe diskriminim të thellë ndaj grave.
Aktivisti veteran për të drejtat e LGBTQ, Peter Tatchell i tha The Mail On Sunday se është “me të vërtetë zhgënjyese” që Beckham po promovon Katarin në këmbim të parave, duke pasur parasysh të dhënat e tij “të mjera” të të drejtave të njeriut. /prive.al
