Pas një videoje që ka qarkulluar në rrjete sociale, fillimisht e publikuar nga Sinjali, ka nxitur shumë reagime nga publiku.
Një grua që kishte dalë për të kryer pazarin në supermarketin “Interex”, në Lagjen e Spitalit, përfundoi në spital, pasi që një konsumator tjetër kishte vendosur të shfrynte nervozizmin e tij tek ajo, shkruan Gazeta Sinjali, transmeton Prive.
Ndonëse ajo ishte e koncentruar duke shikuar artikujt dhe duke kryer blerje, një burrë i shoqëruar nga gruaja dhe djemtë e tij të mitur, u nervozua se pse karroca e saj ia zuri rrugën dhe filloi ta rrahë brutalisht.
Në një video të siguruar nga Gazeta Sinjali shihet i dyshuari i cili fillimisht debaton me gruan dhe megjithëse ajo ia liron rrugën, ai fillon ta godasë.
Në sytë e gruas dhe fëmijëve ai e godet pamëshirshëm atë disa herë me karrocë, e më pas fillon ta godasë edhe me grushte.
Ani pse, gruaja e të dyshuarit arrin ta largojë njëherë, ai kthehet sërish dhe vazhdon ta godasë me grushte të panjohurën, derisa aty shkon edhe një konsumator tjetër për t’i ndarë.
Ky rast është raportuar edhe nga Policia e Kosovës në raportin 24-orësh. Policia bën të ditur se i dyshuari është arrestuar dhe ndaj tij është iniciuar rasti “Lëndim i lehtë trupor”.
I njëjti pas arrestimit është dërguar në mbajtje.
Elita Rudi, Tayna, Vesa Luma, Robert Berisha, Kejvina Kthella, Lindita Halimi, Alban Ramosaj, Arbenita Ismajli, Kiara Tito, Argjira Spanca janë vetëm disa nga ata që kanë ngritur “zërin” kundër dhunës, përmes postimeve që kanë shpërndarë në InstaStory. Reagimet e tyre i gjeni më poshtë:
