Bilbili i Kosovës nuk jeton më. Nexhmije Pagarusha, këngëtarja që e mori këtë epitet, ndërroi jetë sot në moshën 86 vjeçare.
36 vjet aktive në skenë i mjaftuan për t’u bërë interpretuese e më shumë se 150 këngëve.
Ikona artistike shfaqi zemrën e saj të madhe edhe jashtë skenës. Ata që e njohën për së afërmi kanë dhimbje shumë dhe fjalë pak.
Muzika e saj ishte ilaçi më i mirë. Klan Kosova ka parë një video tejet të rrallë kur Nexhmije Pagarusha në këto ditë të fundit të jetës së saj arrin t’i hapë sytë vetëm pasi e dëgjon veten duke kënduar në koncertin që u luajt për nder të Jusuf Gërvallës, video kjo e cila nuk bëhet publike për shkak të gjendjes së rëndë të këngëtares.
