Kantautori Flori Mumajesi ka tash e një kohë që është zhdukur nga jeta publike.
Ai nuk ka publikuar projekte të reja dhe nuk është treguar aktiv në rrjete sociale për muaj të tërë.
Heshtjen e theu vetëm në Gusht për të falënderuar të gjithë ata që i uruan ditëlindjen dhe më në fund, sot ka publikuar diçka të re në lidhje me karrierën.
Në foton krah Shkurte Gashit dhe Brunos, të cilët do të sjellin bashkëpunimin e tyre më të ri shumë shpejt, Flori mes tjerash ka zbuluar se çfarë ka ndryshuar tek ai gjithë këto kohë kur i bëri vetes një pushim të gjatë nga karriera.
‘+4 kilogramë’ – shprehet ai në postimin e bërë duke na zbuluar se gjithë këto kohë, jeta më pasive, përtej axhendës së ngjeshur që dinë të sjellin koncertet, ka rezultuar me shtim të peshës, gjë për të cilën kishte më së paku nevojë. /Prive.al
