Rivaliteti i hapur mes Gjikos dhe Capital T është tashmë diçka për të cilën nuk ekzistojnë dilemma.
Dy reperët konkurencën e frytshme e kanë degraduar pak në inat e kunja publike.
E ky rivalitet u rikthye në vëmendje me projektin ‘Papuqe Gucci’ i cili u parapri nga një këngë e ngjajshme nga Capital T me titull ‘Gucci’.
U tha në media se suksesi i këngës së Gjikos e ka shtyrë reperin Capital T që të fshijë projektin e tij nga Youtube.
Por cila është e vërteta?! Pak më ndryshe se nga cfarë është thënë në portale!
Në fakt, është e vërtetë që kënga e Kapos nuk gjendet më në Youtube por kjo është shkaku i beat-it të marrë pa licensë që ka çuar në bllokim të këngës nga kompania që gëzon të drejtën autoriale.
Ndryshe, gjatë gjithë kësaj kohe, Trimi nuk ka preferuar të jap koment përpos një reagimi ku shprehet se gjitha përgjigjet mund të gjenden tek mixtape i tij. /Prive.al/
