Fansat e Game of Thrones ishin çuditur jashtëzakonisht shumë kur Daenerys Targaryen dhe dragoi i saj i fundit, papritmas dogjën Kings Landing deri në themele, duke vrarë me qindra burra, gra e fëmijë të pafajshëm.
Mirëpo përderisa ky zhvillim i ri në serialin më të ndjekur më vonë i la shikuesit pa frymë, ka mundësi që kjo skenë dramatike, ishte parashikuar 2 vjet më parë, në një tjetër shfaqje televizive.
Fansat e filmit të animuar The Simpsons, kanë reaguar menjëherë duke na e sjellë në mendje, se në vitin 2017-të, ata e kishin parashikuar këtë akt të Game of Thrones në episodin e quajtur The Serfsons.
Në këtë episod, një dragua shfaqet duke e shkatërruar Springfield, qytetin e Simpsons i cili në këtë episod paraqitet si një fshat mesjetar.
Në anën tjetër, kjo s’është hera e parë që skenaristët e The Simpsons kishin parashikuar gjëra tejet interesante, siç është edhe zgjedhja e Donald Trump në krye të Shteteve të Bashkuara. /Prive.al
