Moderatorja e emisioneve politike Eni Vasili ka qenë shumë e komentuar muajve të fundit.
Kjo, jo vetëm për faktin që u zhvendos në Top Channel duke u bërë figura kryesore e debateve politike por edhe për jetën private dhe gjithçka që e rrethon.
Një ndër raportimet ishte edhe ai i punësimit të saj në administratën publike.
U tha se Vasili merr rrogë të dytë me firmën e Edi Ramës përpos asaj në Top Channel.
Por, sa paguhet moderatorja e njohur me pjesëmarrjen e saj në një bord si përfaqësuese e medias? Ka qenë Panorama ajo që ka zbuluar se nuk bëhet fjalë për më shumë se 300 euro në vit, gjë të cilën e ka konfirmuar edhe vetë Vasili në një postim në rrjete sociale.
‘Fondin e shpenzimeve prej rreth 300 eurove në vit për pjesëmarrjen në mbledhjet e Këshillit të INSTAT do ia dhuroj fakultetit të gazetarisë për tekste që mësojnë gazetarët e rinj se si të mos prodhojnë lajme të rreme’ – ka deklaruar Eni në postimin e bërë.
Pra, raportimet për paga të majme nga buxheti i shtetit duket të jenë një gënjështër e madhe. /Prive.al
