Me role kryesore në dy nga filmat më të mëdhenj të vitit 2019, “Once upon a time in Hollywood” dhe “Ad Astra”, Brad Pitt foli për New York Times për një përvojë veçanërisht katartike që kontribuoi në shëndetin dhe suksesin e tij këtë vit, kur u tërhoq nga pija dhe filloi të shkoj në Takime Anonime të Alkoolikëve.
“I qova gjërat aq larg sa mund t’i përballoja, kështu që hoqa privilegjet e mia për të pirë,” – tha ai, përpara se të lavdëroj grupin e tij AA, i cili përbëhej vetëm nga burra.
“Ishin gjithë këta burra të ulur që ishin të hapur dhe të sinqertë një mënyrë që nuk e kam dëgjuar kurrë më parë. Ishte kjo një hapësirë e sigurt ku kishte pak gjykim, dhe për këtë arsye nuk gjykoje vetveten.”
Megjithë statusin e tij si një nga yjet më të njohur të filmit në Hollivud, Pitt tregoi se askush në grupin e tij nuk i shiti tregimet e tij – që u tregoi anëtarëve të tjerë në besim – te tabloidet.
Diku tjetër në intervistë, Pitt foli për shqetësimin e tij me statusin e superstarit në fillimet e karrierës së tij.
“Në vitet ’90, e gjithë ajo vëmendje u hodh mbi mua,” tha ai. “Ishte vërtet e pakëndshme për mua, pritshmëritë dhe gjykimet e të tjerëve. Unë me të vërtetë u bëra pak si parazit dhe thjesht e lashë veten në harresë. “
Burimi: Usatoday.com
