Dy figura shumë të famshme të filmit botëror, Katie Holmes dhe aktori Jamie Foxx, gjithmonë e kanë mbajtur larg publikut lidhjen e tyre të dashurisë.
Por megjithëse janë në lidhje që nja pesë vjet, tek tani Holmes është parë me një unazë gjigante duke shkëlqyer në gishtin e saj, dhe kjo ndezi ca shkëndija thashethemesh se ajo dhe Foxx janë fejuar.
Aktorja e famshme është fotografuar në setin e xhirimeve të filmit të saj të ri në New Orleans, kur është spikatur unaza e saj.
“Katie nuk është fejuar me askë, përveç se me personazhin fiktiv në filmin e saj të ri. Në këtë film ajo fejohet me partnerin që luhet nga aktori Jerry O’Connell”, kanë thënë përfaqësues të aktores për revistën amerikane People. /Prive.al
