Ajo që na pëlqen të dëgjojmë kur jemi persona romantikë, janë historitë e dashurisë, dhe oh po, momenti kur bëhen ato propozimet me unaza të shkëlqyeshme dhe momente që shoqërohen me pak lot.
Dhe sidomos, kur këto histori janë të yjeve të famshëm.
Më poshtë Prive sjellë disa nga historitë e propozimeve për martesë që u bënë nga të famshmit, që ndoshta do ju bëjnë edhe juve me lot (dhe pse jo t’iu marri pak malli për personin e zemrës).
Clooney kur i propozoi bashkëshortes së tij Amal, thotë se mezi e kishte bërë atë që të ulej dhe t’i propozonte. Në këtë mbrëmje romantike për ta, ai i kishte kërkuar të dashurës së tij që t’i ndizte qirinjtë me një shkrepëse që do e merrte nga kutia, e aty ishte unaza.
Jose Antonio Baston, i kishte propozuar të dashurës së tij Eva Longorias në mes të shkretëtirës në Dubai.
Propozimi i aktorit Will Smith për gruan e tij Jada Pinket, kishte qenë krejtësisht i rastësishëm por s’mund të ishte më romantik. “Ne po binim për të fjetur dhe e pashë Jadan dhe i thashë: “Hej ne mund të jemi shumë mirë nëse martohemi bashkë. A do të martohesh me mua?”. Ja kështu, pa unazë e pa qirinj, ata janë bashkë që 21 vjet.
Kim Kardashian dhe Kanye West tani kanë tre fëmijë bashkë, mirëpo e gjitha filloi kur Kanye i propozoi martesë Kimit në ditëlindjen e saj të 33-të, duke u ulur në gjunjë para miqve e familjarëve të saj me një unazë 15 karatëshe dhe duke i thënë: “Të lutem, martohu me mua”.
