Ka ndërruar jetë aktori i dashur Bruce MacVittie, i njohur më së shumti për rolet e tij në “The Sopranos” dhe “Sex and the City”. Ai ishte 65 vjeç.
MacVittie vdiq në një spital në Manhattan të shtunën, konfirmoi gruaja e tij, Carol Ochs, për New York Times të enjten.
Nuk u zbulua asnjë shkak i vdekjes.
MacVittie u bë gjerësisht i njohur për rolin e tij si Danny Scalercio në “The Sopranos”, si dhe paraqitjet e tij të përsëritura në “Law & Order” dhe “As The World Turns”.
Karriera e tij filloi në Broadway, duke punuar si student i Al Pacino-s në produksionin e vitit 1983 “American Buffalo”. Më vonë ai mori rolin kryesor.
Biografia e tij përfshinë shumë shfaqje të njohura, duke përfshirë rolet e ftuar në “Miami Vice”, “Sex and the City”, “Oz”, “Blue Bloods”, “Chicago Med” dhe “The Deuce”.
Aktori, i cili vinte nga Providence, RI, gjithashtu merrej me filma, duke u shfaqur në “Stonewall”, “Hannibal” dhe “Brooklyn’s Finest”.
Bruce ka lënë pas gruan e tij dhe vajzën e tyre Sophia Oliva Ochs MacVittie.
