Kreatorja Flutura Dedinja ka marrë ftesë për javën e modës që realizohet në Vjenë këtë vit.
Bëhet fjalë për MQ VIENNA FASHION WEEK në Vjenë që organizohet me iniciativën e kokave krijues, një formacion njerëzish kreativë me vizion për të realizuar një event mode në nivel ndërkombëtar.
Qëllimi i MQ VIENNA FASHION WEEK është të vendoset si një vend qendror për modën, dizajnin dhe artin dhe të ofrojë një mundësi ideale për stilistët që të ekspozojnë dhe prezantojnë koleksionet e tyre.
Shfaqjet e modës, eventet anësore dhe ekspozitat mbi temën e modës janë po aq në qendër të vëmendjes sa edhe prezantimi i dizajnit të modës austriake dhe ndërkombëtare. /Prive.al
