Dolce & Gabbana ishte fituesi më i madh në dasmën luksoze të Kourtney Kardashian dhe Travis Barker në Itali, shkruan Page Six.
Vula e markës luksoze italiane ishte në të gjithë dasmën e çiftit në Portofino fundjavën e kaluar, me çiftin e lumtur që kaloi kohë në jahtin e stilistëve, duke shkëmbyer betimet në Villa Olivetta në pronësi të Dolce & Gabbana dhe duke transportuar mysafirë andej-këtej me varka.
Dhe Dolce & Gabbana veshën jo vetëm nusen dhe dhëndrin, por edhe të gjithë familjen Kardashian-Jenner gjatë gjithë fundjavës, duke ofruar një seri dizajnesh për motrat Kim, Khloé, Kylie dhe Kendall dhe matriarkun Kris, madje edhe shoqëruesen e nuses dhe mbajtësin e unazës.
Ndërsa marka ishte e shpejtë për të mbyllur raportet se kishte sponsorizuar festimet – “dizajnerët ishin të lumtur të organizonin këtë rast shumë të veçantë”, thotë një përfaqësues i Dolce & Gabbana për Page Six Style – dasma tashmë i ka fituar kompanisë një shumë të madhe 25,4 dollarë milion në vlerën e ndikimit në media, sipas firmës së performancës së markës Launchmetrics, më shumë se gjysma e totalit prej 47 milion dollarësh të gjeneruar nga dasma deri më tani. /Prive.al
