Reperi 44-vjeçar, i cili kohët e fundit publikoi albumin e tij të 10-të, në karrierën e tij, tashmë është duke punuar në një projekt të ri emocionues, dhe nuk ka asnjë lidhje me muzikën.
Në fakt, duket se Kanye së shpejti do të ndjekë hapat e Martha Stewart, Gwyneth Paltrow dhe ish gruas së tij Kim Kardashian.
Sipas Zyrës së Patentave dhe Markave të Shteteve të Bashkuara, Kanye po përgatitet të lansojë markën e tij të stilit të jetesës.
Më konkretisht, reperi ka vendosur të merret me një larmi mallrash shtëpiake, me sende të markave të tilla si batanije, mbështjellës jastëku, perde dushi, peshqir, pllaka, veshje tekstili, si dhe pajisje shtëpiake të fëmijëve që mbajnë të gjithë emrin e tij.
Artisti paraqiti kërkesën për markën tregtare më 27 gusht, tregojnë të dhënat publike.
Në këtë kohë, është e paqartë kur reperi, i cili tashmë zotëron të drejtat për të përdorur emrin e tij në veshje dhe mallra muzikore, planifikon të zgjerojë perandorinë e tij dhe të hyjë në hapësirën e stilit të jetesës. Ai ende nuk ka komentuar publikisht për linjën e tij të mallrave të shtëpisë.
Kanye dhe Kim, të cilët kanë vazhduar të mbështesin njëri -tjetrin në mes të divorcit të tyre, kanë diskutuar më parë për dashurinë e tyre për dizajnimin e shtëpisë.
Shkurtin e kaluar, dyshja folën për stilin dhe paraqitjen e tyre unike për rezidencën e tyre dikur të përbashkët në Los Angeles.
“Kur isha duke u rritur në Çikago, para kohës së internetit, shkoja në lokalin tim Barnes & Noble për të pare dizajnet e arkitekturave dhe revista të tjera të dizajnit, së bashku me titujt e modës dhe rap,” tha Kanye për interesimin e tij në dizajnin e shtëpisë. “Babai im më inkurajoi. Ai gjithmonë kishte letër grafike përreth meje që të shkruaja”.
Kim shtoi, “Unë me të vërtetë nuk dija asgjë për mobiljet para se të takoja Kanye, por të qenit me të ka qenë një edukim i jashtëzakonshëm. Unë jam krenare me të vërtetë tani duke ditur se çfarë kemi, dhe pse është e rëndësishme”. /Prive.al
