Ajo ka krijuar një legjion prej më shumë se 1 milion ndjekësve në Twitter me këngët e saja kushtuar romancave të dështuara dhe ish të dashurve.
Por këngëtarja me prejardhje shqiptare Dua Lipa, ka kërkuar falje për shkak se ka përdorur një shprehje raciste (është fjala për termin Nigga – që konsiderohet fyes për njerëzit me ngjyrë), në këngën e saj të vitit 2014-të, që është cover i këngës së Mila J, “Smoke Drink, Break Up”.
Ajo kërkimfaljen e saj e ka adresuar në profilin e Twitter, ku 22 vjeçarja i referohet një pjese të këngës, për të cilën ani është bërë pishman.
Dua ka thënë se një gjë të tillë, s’do duhej ta kishte bërë kurrë dhe ka bërë një kërkimfalje publike për nocionin përplot racizëm.
“Lidhur me këngën cover të vitit 2014-të, asnjëherë nuk kam menduar ta ofendoj apo mërzis dikë”, iu është drejtuar ajo fansave në Twitter.
“Nuk e kam thënë fjalën e plotë, por e pranoj se s’duhet ta kisha bërë as atë që kam bërë”, ka thënë Dua. /Prive.al
