Mbrëmja e sotme çeli siparin e edicionit të 19-të të festivalit ‘Kënga Magjike’.
E këtë vit, si asnjëherë më parë, Bes Kallaku dhe Erion Isai, dy aktorët e humorit që deri në Maj i përkisnin spektaklit të humorit ‘Portokalli’ janë pjesë e gjithë konceptit me skeqet e tyre humoristike që shtojnë dozën e atraktivitetit të festivalit.
E duket se krahas përgatitjes për numrat gjatë spektaklit, Besit i është kushtuar vëmendje edhe në grim.
Mbase pak më tepër se ç’duhet, grimi ka qenë i dukshëm në fytyrën e humoristit dhe kjo nuk ka kaluar pa u komentuar nga ndjekësit në rrjete sociale.
Ndryshe, komentet për dyshen kanë qenë jashtëzakonisht të mira. Në këndvështrimin e audiencës, ata vetëm sa i kanë shtuar lezetin festivalit që është gati për të mbushur dy dekada ekzistencë. /Prive.al/
