Këngëtarja Dua Lipa që korri suksese të jashtëzakonshme në Brit Awards të mërkurën që lamë pas, po vjen në Kosovë.
Ajo ardhjen e saj e kishte paralajmëruar edhe në urimin që bëri për 10-të vjetorin e pavarësisë së Kosovës, ku në fund të telegramit urues shkruante: “Ju dua. Shihemi këtë vit”.
Dua e ka zbuluar përmes Instagramit, se do të jetë në Kosovë në mes të gushtit, përkatësisht me datën 10-të gusht.
Koncertin do ta mbajë në Prishtinë në kuadër të turneut të saj europian, pasi të kthehet nga Belgjika e Franca. /Prive.al
