Reperi i famshëm kosovar Capital T, ka bërë gjestin më human të mundshëm për këtë festë.
Kapo, paska një shpirt tejet human dhe këtë sapo na e tregoi. Një ditë para festës së Fiter Bajramit, reperi ka vendosur që të marrë me vete fëmijët e varfër që pastrojnë xhamat e veturave në qendër të Prishtinës, të cilët të paktën një herë të gjithëve na ka rastisur t’i shohim.
Ai merr tre prej tyre, Ibrahimin, Mimozën dhe Raulin në veturën e tij luksoze dhe i dërgon në një dyqan veshjesh dhe u blen rroba të reja.
E pastaj, me këtë trio simpatike Capital T ulet në një restorant luksoz në Prishtinë dhe së bashku hanë drekë.
Reperi gjithçka e ka dokumentuar përmes një videoje të publikuar në Youtube, megjithatë para se ta shihni ai ka disa fjalë për të gjithë!
“Para se gjithash, para se me fillu cfaredo lloj paragjykimi, po du m’i nda disa fjale me ju. Cdo here qe kaloj ne qender te qytetit, hasi ne fmije qe afrohen me lype ndihme financiare ne kembim te pastrimit te xhamave te vetures. Jo gjithmone, po krejtve na ndodhe edhe me i injoru kta fmije, per shkak te nxitimit apo edhe arsyeve te tjera. Dje, ne rruge per ne shpi prej studios, ku une isha nise me honger dreke me familje, kta fmije mu afrun te xhami i vetures si cdo here tjeter. Ne moment, prej deshires edhe vullnetit te mire, vendosa me ndrru rrugen edhe i morra disa prej tyne m’i shetite, m’i veshe e m’i ushqy mire. Ne pamundesi me bo cdo dite kete gje, te pakten ne dite feste ku krejt hajme e festojme, e meritojne edhe ata te ndjehen njesoj si cdo fmije tjeter qe rritet ne rrethana ma te mira”.
“Vet fakti qe kta fmije u ndjene mire, m’ka jep knaqsi e motivim mu personalisht qe i kalova disa ore me ta. Ku ka dicka ma mire, se me bo dikon tjeter te lumtur, e sidomos fmijet, te pakten per nje dite te vetme. Kjo video osht bo ne shpejtsi, pa kurfar qellime promocionale e keqperdorimi, e me 1 milion arsye per me motivu edhe dikon tjeter me vepru njejte. Vendosa me nda kete gje me juve, t’u shpresu qe secili prej neve qe ka mundsi, e merr mundin me bo m’u ndi mire dikon, e sidomos femijet ne nevoje. Po shpresoj qe cdo feste qe vjen, na pret mire e ma mire krejt neve, se pari shendeterisht e pastaj me te tjerat, e sidomos ma te vetdijesum per gjendjen e keqe qe e perjetojne femijet e te rinjte e vendit tone. Me Fat festa e Bajramit te gjithe juve, prej meje, Ibrahimit, Mimozes edhe Raulit”, ka shkruar Kapo.
