Aktorja e njohur e serialit ikonik Game of Thrones, Sophie Turner e njohur si Sansa Stark, është martuar dhe kjo është një surprizë e këndshme për fansat e saj.
Ajo dhe partneri i saj Joe Jonas, janë martuar pak orë pasi ka përfunduar mbrëmja e Çmimeve të Billboard në Las Vegas, në një kishëz të vogël të mërkurën mbrëma.
Është DJ Diplo ai i cili ka publikuar një video nga dasma e fshehtë në profilin e tij në Instagram, ku aktorja Turner shihet duke ecur drejt altarit.
Shoqëruesit e dhëndrit ishin vëllezërit e tij, këngëtarët Nick dhe Kevin ndërsa revista E! News, ka bërë me dije se çifti ishin pajisur me leje martese po të mërkurën paradite.
Dyshja e kishin bërë të ditur fejesën në tetor të vitit 2017-të, ndërsa thuhet se lidhja e tyre romantike ka nisur në vitin 2016-të.
