Të enjten, Variety raportoi se ekipi i Ellen DeGeneres Show, i cili përbëhet nga më shumë se 30 punonjës, janë “të indinjuar nga trajtimi i tyre nga producentët mes pandemisë koronavirus.”
Ekipi kryesor i skenës së shfaqjes u raportua se kishin ankesa në lidhje me pagën, orët dhe “pyetjet për shëndetin e tyre mendor dhe fizik” për më shumë se një muaj. Duke shtuar zemërimin e anëtarëve të stafit, shfaqja kohët e fundit punësoi një kompani të teknologjisë për të punuar me DeGeneres për të filmuar shfaqjen në distancë.
Kur producentët iu përgjigjën ekuipazhit, ata u thanë pjesës më të madhe të anëtarëve të presin një ulje të pagës deri në 60%.
Një zëdhënës i Ëarner Brothers i tha Variety, “Producentët tanë ekzekutivë dhe Telepictures janë të përkushtuar të kujdesen për stafin dhe ekuipazhin tonë dhe kanë marrë vendime para së gjithash duke konsideruar ata,” duke shpjeguar se ekuipazhi është paguar “në mënyrë të vazhdueshme”, edhe pse orët e tyre të pagës janë zvogëluar.
Shfaqja është xhiruar për herë të fundit në studio javën e 9 Marsit. Variety raportuan se ekuipazhi ishte paguar plotësisht javën tjetër të 16 Marsit. Ata morën pushimin e tyre pranveror të planifikuar më parë javën e 23 Marsit. Kur u kthyen nga pushimi, paga e tyre raportohej se ishte ulur nga 10 orë në ditë në 8 orë. Të Premten e kaluar, ekuipazhi u tha që duke shkuar përpara ata do të paguheshin për dy ditë 8-orëshe pune në javë.
Kur shfaqja e DeGeneres filloi transmetimin nga distanca, tha që ajo dëshironte të kthehej “sa më shpejt të jetë e mundur” për shkak të “stafit të saj dhe ekuipazhit”, duke i thënë të pranishmëve, “Unë i dua ata, më mungojnë, gjëja më e mirë që mund të bëj për të mbështetur është që të vazhdojmë shfaqjen.”
DeGeneres ka një vlerë neto të raportuar prej 490 milionë dollarësh dhe pagë vjetore prej rreth 75 milionë dollarë, ajo drejton emisionin e saj të përditshëm nga rezidenca e saj L.A.
Javën e kaluar, DeGeneres ishte në qendër të kritikave, kur ajo i tha një shaka të pandjeshme për vetë izolim.
Ellen DeGeneres shënjestër e shumë kritikave pas shakasë së saj
Burimi: InStyle
