Drama hit i Netflix “Squid Game” po kthehet në një reality show, thanë producentët të mërkurën. Ashtu si në seri, 456 lojtarë do të konkurrojnë për një çmim prej 4.56 milionë dollarësh – edhe pse këtë herë ata nuk do të vriten nëse humbasin një lojë.
I quajtur “Squid Game: The Challenge”, konkursi do të regjistrohet në Britani në fillim të vitit të ardhshëm dhe prodhuesit po u bëjnë thirrje njerëzve të aplikojnë. Ata të përzgjedhur do të çohen në një “udhëtim magjepsës dhe të paparashikueshëm”, thanë organizatorët.
Për t’u marrë parasysh, pjesëmarrësit duhet të jenë mbi 21 vjeç dhe do të duhet të regjistrojnë një video një minutëshe duke shpjeguar pse duan të marrin pjesë dhe si do t’i shpenzojnë paratë nëse fitojnë. Mund të aplikojnë folësit e gjuhës angleze nga kudo në botë.
Lajmet për shfaqjen e lojës erdhën në të njëjtën javë, Netflix konfirmoi se një sezon i dytë i dramës është në rrugë e sipër dhe se Seong Gi-hun, personazhi kryesor i shfaqjes, do të kthehej, së bashku me personazhe të tjerë misterioz – megjithëse prodhuesit nuk dhanë një datë të publikimit. /Prive.al
