Këngëtari i famshëm britanik Sam Smith, ka folur për identitetin e tij gjinor e po ashtu, edhe sfidat që ka pasur rreth imazhit të trupit të tij.
26 vjeçari i ka thënë të gjitha haptazi në një intervistë me Jameela Jamil e cila është publikuar dje.
Intervistuesja e ka pyetur këngëtarin Smith se çfarë kuptimi ka për të, të qenit pa binarë dhe të qenit i pa gjini.
“Ti nuk identifikohesh në një gjini. Ti je vetëm ti, dhe je krijim special. Kështu e kuptoj unë. Unë nuk jam as burrë e as grua. Mendoj se qëndroj diku në mes”, ka thënë Sam.
“Kam pasur gjithmonë luftë në mendjen dhe trupin tim. Mendoj si grua nganjëherë dhe nganjëherë ia kam bërë vetes pyetjen nëse dua të ndërroj gjininë. Është diçka që ende e mendoj nganjëherë”, ka thënë Sam, i cili publikut i është prezantuar si homoseksual dhe madje ka një lidhje romantike me një burrë.
