Kënga Magjike edhe pse ka muaj që ka përfunduar, po vazhdon të nxjerrë konflikte në mes artistëve pjesëmarrës.
Ishte Haziri ai që e kritikoi performancën e Fifit në festival përmes një interviste në emisionin “Mirage”, duke thënë se kënga “Psikopatja Jote” e sjellë nga Fifi e Kresha ishte e mirë, por jo edhe performanca e dhënë në finale.
Fifi, reagoi përmes profilit të saj në Instagram, duke e justifikuar veten dhe duke e pranuar se atë mbrëmje, ajo ka stonuar, megjithatë kjo s’i ul vlerat e saj artistike e po ashtu, vlerën e këngës të cilën e këndonte i gjithë publiku.
Ndërsa Haziri e ka quajtur ‘amatere’ këngëtaren.
“Një amatere është duke u marrë me mua. O zoti im! Ndihmë, ndihmë, ndihmë”, ka shkruar Haziri në profilin e tij në Instagram. /Prive.al
