Rita Ora, kohëve të fundit po bën gjiron e botës për të promovuar koleksionin e saj të ri me shtëpinë e modës Escada.
Ajo u shfaq e veshur kokë më këmbë në të kuqe, në ekspozitën e Escada me pamje nga Arc de Triomphe në Paris për të festuar bashkëpunimin e saj të fundit me markën gjermane.
Po ashtu prezantoi edhe një cantë në formë zemre të kuqe, për të cilën këngëtarja zgjodhi bamirësinë Women for Women International për të dhuruar një përqindje të shitjeve të çantës – të hollat e fituara do shkojnë direkt për bamirësi në Kosovë!
Ylli botëror momentalisht po qëndron në Moskë, Rusi për të promovuar koleksionin e saj të r si dhe për të marrë pjesë në hapjen e dyqanit më të ri të Escada.
Princesha e pop-it, 28-vjeç, prap u pa me një veshje të kuqe që nga koka e deri tek këmbët. Veshje kjo nga koleksioni i saj i ri i cili është në shitje në të gjitha dyqanet e Escada.
Kujtojmë se këngëtarja në vitin 2016, u nderua me titullin “Ambasadore Nderi e Kosovës” nga Presidentja Jahjaga në Londër./ Prive.al
