Rita Ora ka rrëfyer se ‘kishte frikë për karrierën e saj’ gjatë betejës së saj ligjore me kompaninë muzikore ku kishte kontratë, Roc Nation, e cila është në pronësi të Jay Z.
Duke folur për betejën gjyqësore që e ndaloi atë të bënte muzikë për pesë vjet, krijuesja e hiteve, 28 vjeçare, pranoi se stresi i situatës e la atë përfundimisht ‘të frikësuar’.
‘Patjetër që isha e shqetësuar dhe po, kisha frikë për jetën sepse, kjo është jeta ime. Muzika ime është gjithçka që di, kështu që padyshim u frikësova, ‘ u shpreh ajo.
Duke folur për Daily Star, Rita vazhdoi: ‘Nuk e di nëse depresioni është fjala e duhur, por padyshim që kam qenë e frikësuar’.
Ylli më parë ngriti një padi për të dalë nga kontrata e saj me Roc Nation të Jay-Z, duke i akuzuar ata se e kishin lënë pas dore atë në favor të artistëve të tjerë, përpara se ata të paditnin dhe më pas ta zgjidhnin çështjen në 2016-ën.
Në vitin 2016, Rita erdhi në një marrëveshje pasi Roc Nation paditi Rita për 2.4 milion dollarë për shkeljen e kushteve të kontratës së saj dhe mos sigurimin e numrit të kërkuar të albumeve përgjatë viteve që ka qenë me ta.
