Quentin Tarantino do të tregojë përralla komplet ndryshe – ato që u pëlqejnë fëmijëve të vegjël.
Regjisori i “Once Upon a Time In Hollywood” është gati të bëhet baba.
Përfaqësuesja e tij, Katherine Roëe, thotë se Tarantino dhe gruaja e tij, modelja dhe këngëtarja izraelite Daniella Pick, po presin një fëmijë. Asnjë detaj tjetër nuk u tha.
Cifti u takua në 2009 dhe u martuan në nëntorin e kaluar menjëherë pasi Tarantino mbaroi xhirimin “Once Upon a Time In Hollywood”, filmi ku interpretuan Leonardo DiCaprio dhe Brad Pitt që u bë një hit veror.
Ky do të jetë fëmija i parë për 56-vjeçarin Tarantino, i cili gjithashtu drejtoi “Pulp Fiction” dhe “Dogs Reservoir”, dhe i 35-vjeçares Pick, e cila është vajza e këngëtarit Svika Pick.
Lajmi se ai do të bëhet baba, për Tarantinon rezulton në ndryshim masiv të prioriteteve të tij në krahasim me vitin 2009, kur Tarantino foli për martesën dhe krijimin e një familje me GQ, duke shpjeguarqë përkushtimi i tij për krijimin e filmave nuk lë kohë për “gjëra mundane” si “familja”.
“Kur unë jam duke bërë një film, unë nuk jam duke bërë asgjë tjetër,” tha ai në atë kohë. “Ka të bëjë me filmin. Unë nuk kam një grua. Unë nuk kam një fëmijë. Asgjë nuk mund të më zë rrugën. E gjithë bota mund të shkojë në ferr dhe të shpërthejë në flakë. Nuk më intereson . Kjo është jeta ime.”
Ai vazhdoi: “Nuk po them që nuk do të martohem kurrë ose nuk do kem fëmijë para se të mbush 60 vjeç. Por unë kam bërë një zgjedhje, deri më tani, të shkoj vetëm në këtë rrugë. Sepse kjo është koha ime. Kjo është koha ime për të bërë filma “.
Burimi: Usatoday.com
