Roman Polanski po përballet me akuza të reja për sulm seksual.
Regjisori 86-vjeçar është akuzuar për përdhunimin e aktores franceze Valentine Monnier në 1975 kur ajo ishte 18 vjeçare, sipas Le Parisien përmes The Guardian.
Në një intervistë për gazetën franceze, Monnier, tani 62 vjeçare, pretendon se incidenti ka ndodhur në kështjellën e Polanski-t në Gstaad, Zvicër.
“Unë nuk kam pasur lidhje me të, as personale, as profesionale dhe nuk e kam njohur atë”, tha Monnier, duke shtuar se përdhunimi i supozuar ishte “jashtëzakonisht i dhunshëm”.
“Më ka rrahur me grushta derisa u dorëzova dhe pastaj më dhunoi, duke më bërë të bëj lloj-lloj gjërash,” pohoi ajo.
Një avokat francez për Polanski, Hervé Temime, i tha Le Parisien në një deklaratë se Polanski “fuqimisht i mohon të gjitha akuzat për përdhunim, duke shtuar ” se akuzat që datojnë 45 vjet më parë nuk janë raportuar kurrë në autoritetet gjyqësore.”
Monnier tha që ajo u paraqit me pretendimet e saj për shkak të publikimit të filmit të ri të Polanski J’Accuse, i cili hapet në teatrot franceze javën e ardhshme.
“Përdhunimi është një bombë kohe,” i tha Monnier gazetës përmes Variety. “Kujtesa nuk venitet. Ajo bëhet një fantazmë dhe ju ndjek, dhe ju ndryshon në mënyrë tinëzare. ”
Polanski u deklarua fajtor për kryerjen e marrëdhënieve seksuale të paligjshme me një të mitur në 1977 pasi 13-vjeçarja Samantha Geimer e akuzoi atë që e bëri të dehur dhe i dha asaj qetësues.
Ai shërbeu 42 ditë në burg për shkak të një marrëveshje, megjithatë, iku në Francë kur u urdhërua të vuaj pjesën e mbetur të dënimit të tij 90-ditor.
Përpjekjet nga SH.B.A. për ekstradimin e tij nga Evropa kanë qenë të pasuksesshme. Cështja është ende në vazhdim, përkundër kërkesave të Geimer për ta pushuar atë.
Në Tetor 2017, regjisori u akuzua për përdhunimin e ish-aktores gjermane Renate Langer në një shtëpi në Gstaad në 1972 kur ajo ishte 15 vjeç, sipas një raporti të New York Times në atë kohë.
Temime e quajti këtë pretendim të pabazë.
Langer paraqiti një raport në policinë zvicerane duke akuzuar Polanski për dhunimin e saj në shkurt 1972, sipas gazetës. Ajo i tha Times se ajo doli përpara me shpresën se ligji do të lejojë që kërkesa e saj të hetohej. Ajo gjithashtu shpjegoi se heshti për incidentin në atë kohë, kryesisht nga frika e reagimit të prindërve të saj.
Burimi: People.com
