As më të famshmit nuk mund të shmangin disa gjoba nga policia!
Aktorja amerikane Vanessa Hudgens është fotografuar duke dërguar mesazhe në celular, teksa drejtonte makinën e saj në Los Angeles.
Në fotografitë e publikuara në media, aktorja amerikane shihet duke qeshur teksa flet me një polic dhe i jep atij patentën.
Thuhet se aktorja sapo kishte dalë nga palestra në momentin kur u kap duke përdorur celularin. Në Kaliforni nuk lejohet që të përdoret celulari apo ndonjë pajisje e ngjashme elektronike teksa je në makinë dhe për këtë arsye aktorja ka marrë një gjobë.
Sipas ligjit në Kaliforni celulari mund të përdoret vetëm pa e prekur me duar, për shembull duke përdorur spikerin e telefonit që të vazhdosh komunikimin.
