Kim Kardashian West është nën zjarr për publikimin e një palë syze dielli në bashkëpunim me dizajneren syzeve Carolina Lemke, por që i ngjajnë një palë nga Emilio Pucci.
Ngjashmëria mes dy palëve u vu në dukje në Instagram nga Diet Prada (faqe e cila hulumton falsifikimet e brendeve).
Të mërkurën, llogaria ka postuar një seri imazhesh krah për krah që tregojnë Kim me një palë syze të verdha nga Pucci, dhe në anën tjetër me dizajnin më të fundit të saj të syzeve në bashkëpunim me Lemke.
“Qesharake se si syzet e SS17 @emiliopucci që ju keni vënë në gusht 2018, përfunduan në bashkëpunimin tuaj me @carolinalemkeberlin që filloi në prill të këtij viti,” lexon titulli i Diet Prada. “Hipokrizia në formën e saj më të mirë!”
Më parë këtë muaj, Kardashian West fitoi 2.7 milion dollarë në një padi kundër shitësit të modës Misguided USA, të cilët ajo akuzoi për plagjiaturë të dizajneve të saj.
Në shkurt Kim shkroi për efektin shkatërrues që kompanitë e shpejta kanë kur vjedhin dizajnë “ për gjithë gjakun, djersët dhe lotët e dizajnerëve të vërtetë, të cilët kanë hedhur shpirtin mbi idetë e tyre origjinale”.
As Pucci as Kardashian West nuk kanë komentuar për akuzat, por Laudomia Pucci, zëvendëskryetare dhe drejtoreshë e imazhit të kompanisë, komentoi nën postimin e Diet Prada me emoji zemre.
