Seriali komedi satirë “Servant of the People” (“Shërbëtori i Popullit”), ku luan ish-aktori dhe presidenti aktual ukrainas Volodymyr Zelenskyy, është sërish i disponueshëm në Netflix në SHBA, njoftoi transmetuesi të mërkurën.
Në shfaqjen, e cila ishte në televizionin ukrainas nga viti 2015 deri në 2019 dhe u transmetua për herë të parë në Netflix nga 2017 në 2021, Zelenskyy luajti një mësues që papritur bëhet president i Ukrainës pasi një video e tij që ankohej për korrupsion u bë virale.
Shfaqja përfundoi produksionin kur Zelenskyy vendosi të kandidonte për president të Ukrainës në vitin 2019 si anëtar i partisë politike Shërbëtori i Popullit (ai fitoi me shumicë). Zelenskyy bëri fushatë mbi premtimet për ndërtimin e një Ukrainë të re, duke u thënë mbështetësve në fjalimin e tij të pranimit, “Unë kurrë nuk do t’ju dëshpëroj”. /Prive.al
