Monica Vitti, një yll i nderuar i kinemasë italiane, ka vdekur në moshën 90-vjeçare, sipas politikanit italian dhe mikut të familjes Walter Veltroni, i cili e bëri njoftimin në Twitter.
“Roberto Russo, shoqëruesi i saj i jetës për shumë vite, më kërkoi të njoftoja se Monica Vitti nuk është më këtu. Këtë e bëj me dhimbje, dashuri dhe keqardhje”, ka shkruar Veltroni të mërkurën.
Vitti ishte e njohur për punën e saj me disa nga kineastët më me ndikim të Italisë dhe Evropës gjatë viteve 1960 dhe 1970. Jashtë vendit të saj, ajo ishte ndoshta më e famshme për performancat e saj në trilogjinë ndërkombëtare të Michelangelo Antonionit: “L’Avventura”, “La Notte” dhe “L’Eclisse”. Më vonë ajo do të kthehej për të punuar me Antonionin edhe një herë në “Misteri i Oberwald” në 1980.
Ajo punoi më shumë me gjigantët e historisë kinematografike, duke përfshirë regjisorin spanjoll Luis Buñuel dhe mjeshtrin italian Ettore Scola, gjatë një karriere që përfshin më shumë se 30 vjet.
Vitti ndau ekranin e argjendtë me disa nga aktorët më të shquar të Italisë, duke përfshirë Alberto Sordi dhe Marcello Mastroianni.
Interpretimet e saj morën çmime të shumta, duke përfshirë aktoren më të mirë në Festivalin e Filmit në Berlin në 1984 dhe një Luan të Artë prestigjioz kushtuar karrierës së saj në Festivalin e Filmit të Venecias në 1995.
Roli i saj në filmin e vitit 1966 “Modesty Blaise” shënoi depërtimin e saj të parë në kinemanë në gjuhën angleze.
Vitti fitoi pesë çmime për ‘Aktoren më të Mirë’, shtatë ‘Golden Globes’ në Itali dhe u nominua në ‘Bafta’.
