Qeveria e Kosovës ka marr vendim që të lejojë mbajtjen e dasmave, mirëpo me orar të kufizuar dhe duke respektuar udhëzuesin e veçantë.
Në njoftim thuhet se mbajtja e dasmave, fejesave, ahengjeve familjare dhe mbrëmjeve të maturës lejohet deri në ora 23:00, ndërkaq muzika duhet të ndërpritet në ora 22:45.
Po ashtu bëhet e ditur se organizimi i ahengjeve të tilla dhe mbrëmjeve të maturës është i lejuar me kushtin që të shfrytëzohet 30 përqind e kapacitetit të hapësirës (30 persona për 100 metra katrorë), por jo më shumë se 200 të ftuar në rastet kur 30 përqind e kapacitetit të hapësirës tejkalon këtë numër.
Përveç kësaj, distanca në mes të tavolinave duhet të jetë tri metra.
