“Moda e lumtur” e përbërë nga ngjyra të ndezura, printime të thjeshta dhe silueta të pastra – ka qenë një nga tendencat më të mëdha të vitit 2022.
Nëse nuancat e ndezura janë kura për t’i ndihmuar blerësit të dalin nga gjendja e rënë emocionale e nxitur nga dy vjet në një pandemi, atëherë tendenca e ngjyrave të guximshme portokalli është ilaçi për dizajnerët këtë pranverë.
Pikërisht, me një portokalli të ndezur erdhi edhe këngëtarja shumë e dashur, Leonora Jakupi. Ajo publikoi dy fotografi në llogarinë e saj në Instagram, e veshur me fustan, një pallto dhe cantë portokalli.
Kjo ngjyrë dominoi edhe në pasarelat e modës këtë vit. Dhe, në kundërshtim me rregullat (arbitrare) të modës që na thonë të reduktojmë ngjyrat e theksuara në një veshje, dizajnerët e këtij sezoni iu drejtuan asaj, me pamje portokalli nga koka te këmbët që padyshim tërheq vëmendje. /Prive.al
