Nuk ishte xhirim i vitit të ri, e as festa e 28 Nëntorit por pothuajse të gjithë emrat eminent të estradës u panë në një super villë në Ulqin.
Ata që të gjithë ishin prezent për vetëm një qëllim, për të festuar ditëlindjen e 30-të të shokut, të bashkëpunëtorit e familjarit të tyre Ledri Vulës. Reperi përjetoi një nga ditëlindjet më të mira në jetën e tij të Dielën e javës që lamë pas.
Një ambient përrallor në hyrje, me një dekorim dhe poster të veçantë përfotografi, ushqim kryesisht me fruta të detit, pije pa limit e muzikë e zgjedhur po i priste të gjithë miqtë e reperit për t’i drejtuar në ambientin e festës.
Festa ishte ndarë në dy pjesë kati i sipërm dhe ai i poshtëm që të gjithë sipas nevojës të akomodonin veten. Stafi i shtëpisë po kujdesej me të gjitha llojet e pijeve dhe kërkesave të të ftuarve. Lartë në ballkonin e katit të parë të vilës ishte ndarë pjesa e muzikës që do të argëtonte të pranishmit. Muzikë live shqipe e e huaj, më pas performanca nga Dj.
Obligative ishte ardhja e musafirve në ora 21:00 që të kishin kohë të ambientoheshin e të prisnin yllin e mbrëmjes, i cili nuk kishte idenë më të vogël se cfarë po e priste.
Materiali i mëposhtëm ju sjell në detaje gjithë eventin që nga secili i pranishëm u cilësua si fantastik.
