Këngëtarja amerikane Traci Braxton, e cila u shfaq në serialin realitet “Braxton Family Values” me motrat e saj, duke përfshirë fituesen e Grammy Toni, vdiq të shtunën në moshën 50-vjeçare, tha familja e saj.
“Kemi ardhur në një kohë kur duhet të informojmë publikun se pas një viti që i është nënshtruar privatisht një sërë trajtimesh për kancerin e ezofagut, e dashura jonë Traci Braxton ka shkuar drejt lavdisë”, tha bashkëshorti i saj Kevin Surratt në një deklaratë me shkrim të lëshuar nga zëdhënësja e Braxton, Thomasina Perkins-Washington.
“Ajo ishte e rrethuar nga familja dhe miqtë në momentin e vdekjes së saj”.
Toni Braxton postoi në Instagram, për të thënë se motra e saj Traci “ishte një dritë e ndritshme, një vajzë e mrekullueshme, një motër e mrekullueshme, një nënë e dashur, grua, gjyshe dhe një interpretuese e respektuar. Do të na mungojë shumë”.
“Braxton Family Values” filloi në 2011 në WE tv. Traci Braxton gjithashtu u shfaq në “Marriage Boot Camp” me bashkëshortin e saj, Kevin Surratt.
Traci Braxton publikoi një album në vitin 2014, “Crash & Burn”, dhe pati një këngë hit “Last Call”.
“Traci Braxton ka qenë në jetën e shikuesve televizivë prej vitesh dhe do të jetë gjithmonë pjesë e familjes WE tv”, tha WE tv të shtunën.
