E ftuar në studion ku mbahet nata Prime, banorja e fundit e eliminuar nga shtëpia e Big Brother VIP Kosova, Gigliola ka pasur një porosi për banorët brenda.
Këtë ajo e ka shprehur përmes një videoje, ndërsa ka thënë se – “Për kafet e mëngjesit dhe për birrat në darka. Kalova mirë me ju, të dashur miq ish bashkëjetues. Stresi edhe Andi buzëqeshni sa më shumë. Fitoftë më i miri”.
Lidhur me Gigin, Stresi ka thënë se – “deri më tani ka qenë përshëndetja më e bukur”.
“Ju kam parë shumë më të heshtur këto ditë. Stresi çfarë ke ti? Më vjen mirë që u pajtuar ju çifti (Vivien, Getinjo). Për të tjerët, kam parë komente pozitive e negative, por që s’dua ta prish atmosferën”, ka thënë ajo pos tjerash.
“Arta, nuk ka folur shumë mirë. Është një vajzë me shumë kulturë dhe shumë e zgjuar, dhe pres që të dal që të rregullojmë marrëdhëniet”, ka thënë ajo tutje.
Ndërsa, duke folur për fituesin e mundshëm, ajo ka thënë se – “Edoni. Sepse që në fillim është shprehur qartë për mënyrën e tij se si mendon. Pra, Edoni ose Victoria. Ndërsa, opsioni tjetër është Stresi”.
