Gruaja 25-vjeçare e Justin Bieber, Hailey Bieber u shtrua në një spital pranë Palm Springs disa ditë më parë për gjendjen e saj të lidhur me trurin, raporton TMZ.
Hailey zbuloi se kishte zhvilluar ‘simptoma të ngjashme me goditjen’ për shkak të një mpiksje gjaku në trurin e saj.
“Të enjten në mëngjes, isha ulur në mëngjes me bashkëshortin tim, kur fillova të kisha simptoma si goditje në tru dhe u dërgova në spital”, ka shkruar ajo.
“Ata zbuluan se kisha pësuar një mpiksje gjaku shumë të vogël në trurin tim, gjë që shkaktoi një mungesë të vogël oksigjeni, por trupi im e kishte kaluar vetë dhe u shërova plotësisht brenda pak orësh”.
Hailey konfirmoi në shënimin e saj se ajo ishte kthyer në shtëpi tani.
“Megjithëse ky ishte padyshim një nga momentet më të frikshme që kam kaluar ndonjëherë, tani jam në shtëpi dhe jam mirë, dhe jam shumë mirënjohëse dhe falënderuese për të gjithë mjekët dhe infermierët e mrekullueshëm që u kujdesën për mua!” ajo shkruajti.
Sipas burimeve pranë saj, gjendja shëndetësore e Hailey-t po ndikonte në një farë mënyre lëvizjen e saj.
Ata treguan se ajo i ishte nënshtruar testeve për të gjetur origjinën e sëmundjes së saj.
Mjekët ishin të shqetësuar se simptomat e saj mund të kishin qenë të lidhura me COVID-19, pasi burri i saj Justin kohët e fundit pati një periudhë me virusin.
Pavarësisht sëmundjes së tij, Justin thuhet se ndihet mirë tani dhe ka bërë një shërim total.
Hailey tani është jashtë spitalit, megjithëse është e paqartë nëse simptomat e saj janë zvogëluar fare.
Burimet i thanë publikimit se ajo po kalonte ‘OK’, por mjekët janë ende në punë për të përcaktuar shkakun e sëmundjes së saj.
