Dje i’u prezantuam me parajsën që mund ta shijoni në Budva të Malit të zi, por përpos komoditetit e pamjes fantastike, pushimi nuk mund të konsiderohet pushim pa pjesën kryesore e që është ushqimi.
Dukley Hotels & Resorts në Budva këtu nuk njeh konkurencë.
Vendi i cili i’u fton të sfidoni shijet siç e quajnë ata teatri i shijes, aty ku ushqimi është prioritet dhe krijohet një kimi perfekte mes jush e kuzhinierëve, pasiqë e gjithë menyja është krijuar nga kërkesat e mysafirëve përgjatë pesë viteve të fundit në “Dukley Seafront Restaurant”.
Por, ky restaurant nuk është i vetmi që mund ta shijoni në kuadër të Dukley Hotels & Resorts.
Një tjetër hapësirë për të shijuar drekën fantastike përmes trendit të ri që kanë sjellur është edhe Moët & Chandon Beach & Bar.
Krejt çka i’u duhet të sillni me vete në këtë restaurant është apetiti juaj, pasiqë menyja ku kryefjalë është pica Woodfire Neapolitan me përbërës unikë e kreativitet të jashtëzakonshëm do t’iu shijoj pafund.
Udhëtimi gastrononik në këtë parajsë nuk ndalet me kaq pasiqë restuarantet nuk kanë fund.
Në listën e “Dukley Hotels & Resorts” menyja plotësohet edhe me Laguna Beach e Key West Beach e së shpejti shtohet edhe Infinit Pool.
E ndërsa nëse keni dëshirë për privatësi absolute, këtë i’a mundëson edhe hapësira private për të shijuar ushqimin në Private Dining.
Nuk kanë thënë kot, dashuria fillimisht kalon përmes stomakut, e për këtë arsye Dukley do t’iu bëj të bini në dashuri kokë e këmbë me gjithçka ofron.
Nëse akoma nuk keni vendosur se ku ti bëni pushimet, propozimi ynë mbetet kjo mrekulli që duhet shijuar./Prive.al
