Aktorja Tanya Fear, e njohur për rolin e saj në shfaqjen “Doctor Who”, u gjet të hënën pasi u raportua e zhdukur në Los Angeles javën e kaluar, konfirmoi një zëdhënës i LAPD për CBS News.
Tanya, 31 vjeçare, fillimisht u raportua e zhdukur më 9 shtator, tha zëdhënësi. Departamenti nuk po lëshon asnjë informacion shtesë në këtë kohë.
Menaxheri i saj, Alex Cole, tha se ajo u gjet e sigurt nga oficerët të hënën. “Ne e kuptojmë që ajo nuk është dëmtuar fizikisht, por si një masë paraprake, po vlerësohet në një spital lokal,” tha Cole në një deklaratë për NBC News.
Familja e aktores shpërndau fjalën për zhdukjen e saj me hashtagun #FindTanyaFear dhe krijoi një llogari të dedikuar në Twitter për të ndarë përditësimet në kërkim. /Prive.al
