Dukesha e Sussex është shtatzënë dhe pritet të bëhet nënë prenverën që vjen, ka bërë të ditur Pallati Mbretëror Kensington.

“Shkëlqesia e tyre Duka dhe Dukesha i Sussex janë tejet të lumtur t’ju njoftojne se Duka dhe Dukesha janë në pritje të ardhjes së një foshnje në pranverën e 2019-ës” thuhet në njoftim.

Lajmi është bërë i ditur pasi Meghan dhe Harry kanë nisur turneun e tyre të parë mbretëror në Australi.

Duka dhe Dukesha i Sussex kanë arritur në Sidnei ku edhe kanë filluar vizitën e tyre zyrtare për në Australi, Fiji, Tonga dhe Zelande të Re.

Udhëtimi 16 ditor do të zhvillohet në kohën kur organizohen “Invictus Games” dhe përfshinë dhjetëra vizita zyrtare.