Kosova, Shqipëria, vendet ku jetojnë shqiptarët në Europë dhe eventualisht një dalje përtej oqeanit në Amerikë për diasporën tonë.
Këto janë destinacionet që në shumicën dërmuese të rasteve zënë vend në agjendën e artistëve shqiptarë.
Por, Dren Abazi ka kaluar në një tjetër nivel duke arritur të ketë data në Brazilin e largët. E lexuat mirë! Në Brazil.
Këngëtari i njohur me 27 e 28 Tetor ka të caktuar dy mbrëmje muzikore në Sao Paolo e Rio De Janiero live me Zig Zag Orkestrën.
I kontaktuar nga Prive, Dreni ka zbuluar se në Amerikën Latine do qëndrojë nga 25 Tetor deri me 10 Nëntor teksa ka edhe disa data të tjera që mbeten për t’u konfirmuar.
Kjo është hera e parë që artistë shqiptarë arrijnë të zhvillojnë koncerte në Brazil. /Prive.al/
