Prej afro tetë vitesh është etabluar si një prej serialeve vendore më të shikuara.
“Çka ka shpija” nga sezoni në sezon ka kaluar sfidën më të rëndësishme – atë të konsistencës dhe pëlqyershmërisë nga ana e audiencës.
Pak ditë më parë, një prej aktoreve kryesore, Fiona Gllavica, e ftuar në Prive, ‘ngacmoi’ me idenë e risive në serial.
Me Vitin e Ri, “Çka ka shpija” do të ketë adresë të re. Shtëpia e re e serialit është televizioni Klan Kosova.
Lajmi është konfirmuar përmes postimeve në rrjete sociale të producentit Naser Rafuna me fotografi nga nënshkrimi i kontratës me drejtorin e Klan Kosova, Adriatik Kelmendi.
Pritja merr fund shumë shpejt kur “Çka ka shpija” rikthehet me sezonin e ri. /Prive.al
