Si rrallë herë, Fifi ka më shumë kohë të lirë së fundmi.
Këngëtarja po shijon mëmësinë përtej oqeanit në Amerikë përpara se të rikthehet me projekte e koncerte në një tur të vrullshëm përgjatë verës.
E duket se nga distanca, përkundër që nuk po mungon me projekte të realizuara paraprakisht, ajo po e gjen veten edhe në rolin e spektatores edhe në industrinë e shoubizit shqiptar.
Ajo ka ‘goditur’ fenomenin e vëmendjes me çdo kusht përmes një postimi në Instagram.
‘Njerëzit për famë dhe ndjekës çka nuk po bëkan’, është shprehur Fifi në një postim në rrjetet e saj sociale duke lënë njerëzit në pikëpyetje se për kë mund ta ketë pasur.
Ky reagim ka përkuar me kohën e publikimit të duetit mes Noizyt dhe Stresit pas dy ditësh ‘lojë’ se gjasme janë prishur marrëdhëniet mes tyre.
Kjo ka bërë që një pjesë e ndjekësve të dyshojnë nëse shkrimi në fjalë i kushtohet reperëve të njohur mirëpo kjo nuk mund të thuhet me siguri. /Prive.al
