Celine Dion së fundmi ka bërë një përditëm mbi shëndetin e saj me anë të një postimi në llogarinë e saj në Instagram.
Në maj, këngëtarja 53-vjeçare fituese e Grammy njoftoi se do të kthehej në Las Vegas me një shfaqje të re në The Theater at Resorts World. Ishte planifikuar të kishte gjithsej 21 shfaqje dhe do të zgjaste nga nëntori deri në shkurt. Për të nisur shfaqjen e re të Céline, nata e hapjes do t’i kushtohej mbledhjes së fondeve për lehtësimin e COVID-19. Tani, këngëtarja e “My Heart Will Go On On” po i pezullon këto plane.
Të martën, Celine zbuloi në një njoftim për shtyp të postuar në Instagram se ndërsa po përgatitej për shfaqjen e saj të re, ajo filloi të kishte “simptoma të paparashikuara mjekësore” dhe kjo e ka “detyruar” atë që të vonojë prodhimin”.
“Céline ka përjetuar spazma të rënda dhe të vazhdueshme të muskujve të cilat po e pengojnë atë të performojë,” thuhej në një deklaratë nga njoftimi për shtyp. “Ekipi i saj mjekësor vazhdon ta vlerësojë dhe trajtojë atë. Megjithatë, simptomat që ajo po përjeton po e ndalojnë atë të marrë pjesë në provat e vazhdueshme për shfaqjen e re.” /Prive.al
