Në fillim të këtij viti, Kylie Jenner shiti gjysmën e kompanisë së saj të kozmetikës. Por dokumenti i marrëveshjes tregon se ajo ka qenë duke fryrë përmasat dhe suksesin e biznesit të saj. Për vite!
Kur më e reja e fisit Jenner/Kardashian, Kylie Jenner, i shiti 51% të Kylie Cosmetics gjigantit të bukurisë Coty në një marrëveshje me vlerë 1.2 miliard dollarë këtë janar, transaksioni dukej se konfirmonte ato që Kylie kishte thënë gjatë gjithë kohës dhe atë që Forbes kishte deklaruar në Mars 2019: që Kylie Jenner ishte, me të vërtetë, një miliardere – të paktën para koronavirus.
Por në marrëveshje, u shfaq një e vërtetë jo kaq e bukur. Dosjet e publikuara nga Coty të tregtuara publikisht gjatë gjashtë muajve të fundit zbuluan një nga sekretet e ruajtura më së miri të familjes: biznesi i Kylie është dukshëm më i vogël, dhe më pak fitimprurës, sesa familja ka shtyer të gjithë, përfshirë këtu edhe Forbes, të besojnë.
Sigurisht, gënjeshtrat e bardha, lëshimet dhe trillimet duhet të priten nga familja që përsosën – më pas monetarizuan – konceptin “i famshëm për të qenë i famshëm”. Jenners bënë gjithçka – përfshirë ftesën e Forbes në pallatet e tyre dhe zyrat e CPA-së, madje dhe krijimin e deklaratave të taksave që ishin të falsifikuara – dhe kjo zbulon vetëm sa të dëshpëruar janë disa prej ultra të pasurve për tu dukur edhe më të pasur.
Bazuar në këtë informacion të ri — plus ndikimin e Covid-19 në rezervat e bukurisë dhe shpenzimet e konsumatorit — Forbes tani mendon se Kylie Jenner, edhe pasi ka marrë rreth 340 milionë dollarë pas taksave nga shitja, nuk është një miliardere.
Burimi: FORBES
