Arnold Schwarzenegger është përfshirë në një aksident automobilistik me shumë automjete të premten, duke lënë një grua të plagosur, konfirmon revista “People”.
“Ai është mirë, shqetësimi i tij i vetëm tani është për gruan që u plagos,” tha një përfaqësues i aktorit për “People”.
Departamenti i policisë së Los Angeles konfirmoi se një aksident ka ndodhur në Sunset Blvd dhe Allenford Ave.
Ish-guvernatori i Kalifornisë, ishte brenda një Yukon që goditi një Toyota Prius të kuqe, duke shkaktuar hapjen e airbagëve të SUV-së. Siç u raportua fillimisht nga TMZ, makina e tij u rrotullua mbi automjetin tjetër përpara se të kthehej dhe të rrotullohej mbi një Porsche Cayenne.
Individi në timonin e makinës tjetër, e cila mësohet se është një grua e paidentifikuar, ka pësuar lëndime dhe është transportuar me ambulancë në spital, sipas mediumit.
“ABC 7” raportoi se askush nuk është arrestuar dhe alkooli nuk besohet të ketë qenë një faktor. Stacioni i lajmeve mori një pamje ajrore teksa një SUV dhe Prius po tërhiqeshin nga vendi i ngjarjes.
Aksidenti i raportuar vjen pasi divorci i Schwarzenegger nga Maria Shriver u finalizua të martën, 10 vjet pasi ata u ndanë.
Të dy u divorcuan në Gjykatën e Lartë të Los Angeles, përmes dokumenteve gjyqësore.
