Aktori shumë i njohur turk Kadir Dogulu, është shprehur se vuan nga sindroma e zorrës së irrituar.
Në një intervistë për mediat turke aktroi ka thënë se për këtë sëmundje nuk ka ilaç dhe se e gjeti shërimin me anë të dietës ushqimore dhe forcës brenda vetes.
“Kam probleme me shëndetin. Prej tre vitesh kam probleme me zorrët, quhet sindroma e zorrës së irrituar. Doktorët nuk kanë gjetur ilaç për këtë, por unë kam gjetur energjinë dhe forcën për ta përballuar”– është shprehur aktori.
Kadir është i njohur në vendin tonë nga roli i “Maxhitit” në serialin “Në mes dy dashurive” dhe nga roli i “Mehmed Giraj” në serialin “Kosem”.
