Në përgjigje të një pyetje që nëse Daniel Radcliffe ka testuar pozitivisht për koronavirusin, publicisti i aktorit tha: “Jo e vërtetë.”
Një llogari e rreme e BBC në Twitter postoi një lajm të rremë për aktorin Daniel Radcliffe që kishte dalë pozitiv për koronavirusin.
Llogaria mashtroi shumë përdorues të Twitter-it, përfshirë reporterin e New York Times, Maggie Haberman dhe drejtorin editorial të Politico, Blake Hounshell. Që të dy kanë kërkuar falje për amplifikimin e mashtrimit.
Llogaria u regjistrua nën emrin e përdoruesit @BBCNewsTonight dhe përdori logon e transmetuesit britanik.
“BREAKING: Daniel Radcliffe teston pozitiv për koronavirusin”, tha Tëeet-i i rremë. “Aktori thuhet se është personi i parë i famshëm që është konfirmuar publikisht”.
Tweet-i gjithashtu përmbante një link në faqen e njoftimeve të BBC News Alerts, por duket se nuk është azhurnuar që nga viti 2017 dhe çoi në atë që transmetuesi të promovojë gazetat, aplikacionet dhe shërbimet e tjera të postës elektronike. Në link nuk kishte asnjë provë të pretendimit të rremë.
Burimi: BuzzFeed
