Vogëlushja e çiftit shumë të dashur për publikun, Xhensilës dhe Besit mbush sot 1 vjeç. Me këtë rast çifti vendosi që ta tregonte për herë të parë fytyrën e Ajkës dhe publikuan foto e video me vogëlushen.
Besi e Xhensila kanë vendosur edhe të mbajnë një festë për ditëlindjen e parë të Ajkës. Këngëtarja u shfaq e veshur shumë elegante me një fustan ngjyrë rozë me një fjongo të Drenusha Xharra ndërsa ambientin e kanë dekoruar plot me tullumbace me ngjyra Class by Alketa Vejsiu.
Me anë të postimeve në Instagram Xhensila ka zbuluar pamje nga ambienti, por edhe tortën e veçantë e cila është e bardhë ashtu sikurse qumështi, me një lopë, derën e një ferme dhe zbukurime të vogla shumë të lezetshme.
Për emrin e Ajkës, Besi është shprehur: “Vendosem te te quanim AJKA. Babai yt, qysh i vogël mezi priste qe Ija te ziente qumeshtin dhe fshehurazi ti vidhte AJKEN, si shija me e mire e femijerise”. /Prive.al
