E diela nuk ka nisur në mënyrën më të mirë të mundshme për reperin nga Shqipëria, Arkimed Lushaj.
Kjo për faktin se kanali i tij zyrtar në Youtube me përplot projekte muzikore të tij dhe jo vetëm është fshirë nga ky rrjet.
Lajmin e ka bërë të ditur vetë reperi përmes një postimi ku ka bërë të ditur se po bëhen të gjitha përpjekjet e mundshme për të rikthyer kanalin zyrtar.
Në fund të postimit, ai ka sharë të gjithë ata që i kanë inat duke lënë të kuptohet se kjo mund të jetë bërë nga dikush që nuk ia do të mirën Stresit dhe klikës së tij.
Rastet e fshirjeve të videoklipeve s’kanë qenë të rralla në estradën shqiptare por zhdukja e gjithë kanalit nuk ka rastisur të ndodh shpesh. /PRIVE.AL/
